Retkoceri: Për presidentin duhet marrëveshje dhe pajtueshmëri për gazin amerikan

Përderisa rezultatet preliminare të zgjedhjeve të 7 qershorit treguan se asnjë nga partitë politike nuk mund t’i formojë institucionet si e vetme e gjithë vëmendja është tek votat të diasporës nëse do të jenë përcaktuese për formim të qeverisë apo jo Analisti politik Selatin Retkoceri thotë për rtv21 se në rast se LVV-ja arrin 65% të votave të diasporës atëherë mund ta formojë qeverinë bashkë me pakicat jo serbe.

“Nëse bazohemi ne trendin e zgjedhjeve të shkurtit dhe dhjetorit 2025 del se diaspora ka votuar me shumicë LVV-në tani pritjet janë që ndoshta Osmanin ka bërë diçka në diasporë dhe ka tërhequr vota dhe do ishte dëshirueshme sikur LVV mos të kalonte shifrën 60 % të votave nëse e kalon 60-65% atëherë VV-ja pritet t’i ketë diku 52 deputetë dhe me minoritetet do ta arrijë shifrën prej 60 deputetesh për qeverinë por jo edhe për presidentin kur të vie radha. Por diaspora me gjasë nëse kanë votuar qytetarët si ne dhjetor atëherë gjasat janë shumë të mëdha që Kurti ta ketë numër të mjaftueshëm për ta formuar qeverinë e ardhshme”, tha Retkoceri për RTV21.

Sipas tij, votat e diasporës mund të jenë përcaktuese për qeverinë por jo edhe për presidentin për të cilin siç thotë duhet një marrëveshje mes partive dhe një pajtueshmëri për gazin Amerikan, në të kundërtën vendi shkon në zgjedhje.

“Sa i përket presidentit nëse s’ka marrëveshje politike që opozitarët të mospërfshihen edhe në qeveri jam i bindur që jam i bindur se brenda periudhe të shkurtër të shkojmë në zgjedhje sepse opozita nuk është e gatshme të hyjë në koalicion apo të kënaqët vetëm për pozitën e presidentit kështu që zgjedhjet duket se janë të pashmangshme sepse Opozita si duket edhe për shkak të asaj që Kurti s’po e pranon gazin amerikan Vetëm me LDK s’do ketë votat. Osmani s’besoj se do të jetë presidente sepse brenda LDK ka përçarje. Se besoj se do të ketë koalicion mes LDK dhe VV. Mes PDK dhe VV po por me kushtin që që ta pranojë gazin amerikan. A është i gatshëm Kurti ta pranojë gazin kjo është pikëpyetje e madhe kështu qe qytetarët të përgatiten edhe për një palë zgjedhje”, tha Retkoceri për RTV21.

Se fundmi përfaqësues të partive opozitare kanë deklaruar se nuk do të bashkëpunojnë me LVV-në në rast nuk pranohet gazi amerikan./RTV21/21Media