Tërmet i fuqishëm në afërsi të bregdetit lindor rus

Një tërmet i fuqishëm me magnitudë 7.4 ballë goditi të shtunën herët në afërsi të bregdetit lindor të rajonit Kamchatka të Rusisë, raportoi Shërbimi Gjeologjik i SHBA-së, shkruan ABC News. Epiqendra e tërmetit ishte 111.7 kilometra në lindje të Petropavlovsk-Kamchatsky me një thellësi prej 39 km.

Nuk pati raportime për të lënduar ose dëme të mëdha.

Sistemi i Paralajmërimit për Cunami i Paqësorit ka thënë se kishte kërcënim për një cunami të mundshëm nga tërmeti, por më vonë e hoqi njoftimin nga faqja e saj e internetit.

Agjencia Meteorologjike e Japonisë ka thënë se u lëshuan paralajmërime për zonat bregdetare në lidhje me një ndryshim të lehtë në nivelin e detit, por kjo do të thotë se mundësia e dëmeve është minimale.

Gadishulli Kamchatka i Rusisë u godit nga pesë tërmete të fuqishme – më i madhi me një magnitudë prej 7.4 ballë më 20 korrik të këtij viti.