Reperi i njohur 2 Ton, ka publikuar sot këngën më të re të titulluar “Natën”, duke e shënuar kështu edhe një hap tjetër në promovimin e albumit të tij më të fundit, “Aura”.
Projekti muzikor vjen pas një periudhe pune intensive në studio dhe synon të sjellë një dimension të freskët artistik për reperin dhe publikun e tij.
Vija melodike është realizuar nga vetë artisti, duke reflektuar qartësisht stilin dhe identitetin e tij muzikor, ndërsa producimi mban firmën e Dedolokos.
Albumi “Aura” përmban gjithsej 10 këngë, dhe përfaqëson një projekt konceptual që trajton tema personale, emocionale dhe shoqërore, përmes rrëfimeve të sinqerta dhe tingujve bashkëkohorë.
