Në SHBA ka rënë përqindja e papunësisë në 4,4 për qind
Përqindja e papunësisë në SHBA ka rënë në muajin prill në nivelin më të ulët në një dekadë, ndërkohë që krijimi i vendeve të reja të punës është rritur ndjeshëm, sipas raportit zyrtar për punësimin publikuar sot.
Përqindja e papunësisë ka rënë në 4.4 për qind (-0,1 pikë), niveli më i ulët që prej majit 2007.
Ekonomia ka krijuar 211 000 vende pune, pas 79 000 në muajin mars.
Këto shifra dinamike për muajin e parë të tremujorit të dytë konfirmojnë optimizmin e Bankës Qendrore Amerikane (FED), e cila kishte theksuar të enjten se dobësimi i rritjes ekonomike amerikane në tremujori e parë ishte i përkohshëm.
