Basha ka përshëndetur zgjedhjet e mbajtura në Kosovë
Kryetari i Partisë Demokratike, Lulzim Basha ka përshëndetur zgjedhjet e mbajtura në Kosovë, duke thënë se klima e qetë dhe transparente e zgjedhjeve janë dëshmi entuziaste të konsolidimit të mëtejshëm në Kosovë të standardeve demokratike evropiane.
Ai ka thënë se cilësia e këtyre zgjedhjeve është një ogur i mirë në rrugën evropiane të Kosovës.
“Partia Demokratike i konsideron një prioritet absolut marrëdhëniet me Kosovën dhe thellimin e bashkëpunimit me çdo qeveri të dalë nga vota legjitime e popullit sovran. Me këtë rast dua të shpreh vullnetin tim të plote se nesër në drejtim të qeverisë së Shqipërisë do të rris bashkëpunimin me institucionet e Kosovës dhe qeverinë e re të saj drejt të ardhmes së përbashkët euroatlantike”, është shprehur Basha.
