Aleanca për Ardhmërinë e Kosovës ka dorëzuar sot ankesë në Gjykatën Supreme, pasi katër kandidatë për deputetë nuk morën dritën e gjelbër për certifikim nga Komisioni Qendror i Zgjedhjeve dhe më pas edhe nga Paneli Zgjedhor për Ankesa dhe Parashtesa.
Sipas vendimit të PZAP-it, nga lista e partisë së Ramush Haradinajt nuk do të mund të kandidojnë katër emra që synojnë ulëse në Kuvendin e Kosovës, Shemsedin Dreshaj, Gani Dreshaj, Rrahim Ajeti dhe Shqipe Kastrati.
Sot në Gjykatën Supreme është ankuar edhe Lëvizja Vetëvendosje.
Gjykata Supreme do t’i trajtojë të gjitha ankesat e partive politike në një afat prej 72 orësh.
