AGK dënon aktin e dëmtimit të veturës së drejtoreshës së “KoSSev”

Asociacioni i Gazetarëve të Kosovës ka dënuar  aktin e dëmtimit të veturës së drejtoreshës së medias online “KoSSev”, Nevenka Medic, që ka ndodhur sot në Veri të Mitrovicës.

Përmes reagimit të bërë në Facebook, AGK kërkon nga Policia e Kosovës që të hetojë rastin në fjalë.

“Nuk mund të drejtoj gishtin ndaj askujt, nuk jam e përfshirë në ndonjë biznes të paligjshëm, nuk kam armiq personalë, jam e sigurt që kjo ka të bëjë me punën që po bëj,” ka thënë Medic lidhur me rastin.