Sot më 6 korrik, nga ora 11:00, do të mbahet Kuvendi Zgjedhor i Asociacionit të Gazetarëve të Kosovës, për zgjedhjen e kryesisë së re të organizatës, në Atelienë përballë Sallës së Kuqe të Pallatit të Rinisë në Prishtinë.
AGK-ja ka bërë me dije se cili do të jetë rendi i ditës në Kuvendin Zgjedhor.
11:00 Regjistrimi;
11:30 Hapja dhe nisja e punimeve të Kuvendit;
11:40 Prezantimi i raportit të punës dhe atij financiar korrik 2021-korrik 2024;
12:00 Propozimet dhe votimi për ndryshimet në Statutin e AGK-së;
12:30 Zgjedhja e komisionit 5 anëtarësh të punës;
12:40 Adresimet e kandidatëve për Kryetar;
12:50 Votimi dhe procesi i numërimit për Kryetar/e dhe Anëtarë të Bordit;
15:00 Shpallja e rezultateve.
Mandati i anëtarëve të zgjedhur të AGK-së është 3 vjeçar.
