Shtatë persona kanë mbetur të lënduar sonte rreth orës 19:00 në Prishtinë si pasojë e një aksidenti në në lagjen Kodra e Trimave. Për portalin rtv21.tv rastin e ka konfirmuar, zëdhënësja e Policisë për Rajonin e Prishtinës, Flora Ahmeti.
Ahmeti ka treguar se në aksident kanë qenë të përfshira dy automjete në lëvizje. Të lënduarit janë dërguar për trajtimin e nevojshëm mjekësor.
”Njësia rajonale e trafikut ka dalë në vendin e ngjarjes dhe ka nisur një hetim në lidhje me aksidentin”, ka thënë Ahmeti./21Media
