Aksident në Skenderaj, humb jetën një fëmijë, gjashtë persona të tjerë lëndohen

Një fëmijë ka vdekur dhe gjashtë persona kanë pësuar lëndime si pasojë e një aksidenti që ka ndodhur dje ne Skenderaj.

Policia ka njoftuar se aksidenti ka ndodhur mes dy veturave dhe se viktimat janë dërguar për tretman mjekësor

“Skenderaj, 24.07.2025, 19:32 Është raportuar se ka ndodhur aksident trafiku në mes dy veturave me vozitës meshkuj, njëri shtetas i huaj ndërsa tjetri kosovar. Përveç dëmeve materiale lëndime trupore kanë pësuar gjashtë viktimat, tri femra dhe tre meshkuj kosovarë. Viktimat janë dërguar për tretman mjekësor, ndërsa nga mjeku kujdestar është konfirmuar se njëra viktimë-femije, ka ndërruar jetë. Me vendim të prokurorit viktima dërgohet në IML për obduksion”, thuhet në raportin 24 orësh.