Një person ka mbetur i vdekur dhe një tjetër është lënduar në një aksident trafiku në rrugën Pejë-Trestenik, përkatësisht në fshtatin Qungur.
Lajmin e ka konfirmuar zëdhënësi i policisë për rajonin e Pejës, Fadil Gashi, i cili ka bërë të ditur se aksidenti ndodhi rreth orës, 14:00.
Gashti tutje tha se personi i lënduar është dërguar për trajtim mjekësor në Spitalin Rajonal të Pejës.
Aksidenti dyshohet se ka ndodhur mes një veture dhe një katërçiklete (motoçikletë me katër rrotë)./21Media
