Personat e lënduar nga aksidenti që ka ndodhur në fshatin Gllarevë janë jashtë rrezikut për jetë
Një aksident i rëndë komunikacioni ka ndodhur në mbrëmjen e sotme në rrugën Prishtinë – Pejë, në mes fshatit Gllarevë dhe të ashtuquajturës Kodra e Dollcit. Në aksident janë përfshirë një veturë dhe një kombi-bus, ku tre presona kanë mbetur të lënduar.
Zëdhënësi i Policisë së Kosovës për Rajonin e Pejës, Xhavat Ibra ka bërë të ditur se aksidenti ka ndodhur rreth orës 20:52, ku kanë mbetur të lënduar tre persona.
Ai njoftoi se një personi i është ofruar ndihma e parë në Qendrën spitalore në Klinë, kurse dy personat tjerë janë dërguar në Spitalin Rajonal të Pejës, pasi kishin pësuar lëndime serioze, por që janë jashtë rrezikut për jetë.
