Aksion i PSD-së para zyrave të EULEX-it: “UÇK nuk mund të gjykohet”
Partia Socialdemokrate sot (e hënë) ka mbajtur nja aksion simbolik para zyrave të misionit të EULEX-it në Fushë Kosovë. PSD-ja në muret këtij institucioni ka shënuar mbishkrimin “UÇK-ja nuk mund të gjykohet”. Qëllimi i këtij aksioni të PSD ishte në kuadër të kundërshtimeve të tyre ndaj Gjykatës Speciale.
Sekretari i PSD-së, Nol Nushi tha se të mërkurën në orën 14:00 përmes një aksioni do të kundërshtojnë vizitën e shefes së Gjykatës Speciale Ekaterina Trendafilova.
Ai gjithashtu tha se Gjykata Speciale deri sot ka shpenzuar 350 milionë euro, e me këtë ritëm të gjykimit, i cili nuk përfundon minimalisht 5 vjet, sipas tij Gjykata do të shpenzojë mbi 1 miliard euro.
PSD po ashtu bënë thirrje të gjithë qytetarëve që më 29 nëntor në orën 14:00, përball hotel “Sirius” në Prishtinë, për ta kundërshtuar vizitën e Trendafilova.
