Shpyllëzimi në pyjet tropikale të Amazonës në Brazil ka arritur nivelin më të lartë në më shumë se 15 vjet, sipas të dhënave zyrtare.
Një raport i agjencisë braziliane të kërkimit hapësinor (Inpe) zbuloi se shpyllëzimi u rrit për 22% në vit.
Brazili ishte në mesin e një numri kombesh që premtuan t’i jepnin fund dhe të anulonin shpyllëzimin deri në vitin 2030 gjatë samitit të klimës COP26.
Amazona është shtëpia e rreth tre milionë llojeve të bimëve dhe kafshëve.
Sipas të dhënave të fundit, rreth 13,235 km katrorë (5110 milje katrore) u humbën gjatë periudhës 2020-2021, sasia më e lartë që nga viti 2006.
Ministri i Mjedisit, Joaquim Leite tha se të dhënat përbëjnë një sfidë dhe shtoi se duhet të jemi më të fortë në lidhje me këto “krime”./21Media
