Lidhja Demokratike e Kosovës ka njoftuar se kryetari i degës së LDK-së në Prizren, Anton Quni ka paraqitur kandidaturën e tij për kryetar.
Deri tani zyrtarisht janë edhe kandidatë të tjerë për kryetar të LDK-së, Lumir Abdixhiku dhe Lutfi Haziri.
“Dëshirojmë ta njoftojmë anëtarësinë e LDK-së, se deri më tani kanë paralajmëruar kandidaturat për kryetar të LDK-së, z. Anton Quni, nënkryetar i LDK-së dhe kryetar i degës së LDK-së në Prizren, z. Lutfi Haziri, nënkryetar i LDK-së, kryetar i komunës së Gjilanit dhe i degës së LDK-së në Gjilan dhe z. Lumir Abdixhiku, anëtar i Kryesisë së LDK-së. Në ditët në vijim priten paralajmërime edhe të kandidatëve të tjerë”, thuhet në komunikatën e LDK./21Media
