Një zhvillim i papritur nga Bashkia e Tiranës, ku mësohet se kryetari Erion Veliaj është shoqëruar nga agjentët e Byrosë Kombëtare të Hetimit (BKH).
Pas një periudhe hetimi mbi katër vepra penale, forcat e BKH-së kanë ndërhyrë mesditën e sotme në ambientet e bashkisë, duke ekzekutuar urdhrin e arrestit ndaj tij.
“Burime pranë SPAK konfirmojnë se prokurorët e posaçëm kanë kërkuar nga Gjykata e Posaçme Kundër Korrupsionit dhe Krimit të Organizuar (GJKKO) masën e sigurisë “arrest me burg” jo vetëm për Veliajn, por edhe për një tjetër zyrtar të lartë. Ndërkohë, pritet një njoftim zyrtar nga SPAK mbi akuzat dhe hapat e mëtejshëm të hetimit”.
Ndërkaq “Ora News” ka siguruar pamjet telksa kryebashkiaku në detyrë Erion Veliaj del nga zyra e tij në Bashkinë e Tiranës i shoqëruar nga hetuesit e BKH-së dhe futet në autoveturën e zezë që përdoret nga Veliaj.
