Policia e Kosovës sot ka arrestuar një person të dyshuar për vjedhje të një veture në Fushë Kosovë.
Rasti në Polici për vjedhjen e veturës është raportuar me 6 maj 2023, nga ankuesi të cilit në rrugën “Nëna Terezë” në Fushë Kosovë, i është vjedhur vetura.
“Arrestohet E.K. mashkull, 53 vjeç, shtetas i Republikës së Kosovës (përsëritës i veprave të natyrës së njëjtë). Nga hetuesit policor, në lagjen Emshir në Prishtinë, janë gjetë dhe sekuestruar vetura e vjedhur dhe tri palë targa (një palë targa vendore të cilat janë të raportuara të vjedhura dhe dy palë targa të huaja)”, thuhet në njoftim të policisë.
Personi i dyshuar me vendim prokurorit të shtetit është dërguar në mbajtje, ndërkohë që pas përfundimit të procedurave të nevojshme vetura i është kthyer pronarit./21Media
