Arrestohet një 50 vjeçar për veprime të turpshme me një të mitur

Një 50 vjeçar është ndaluar nga policia e Krujës, pasi akuzohet për veprime të turpshme me një të mitur.
Sipas policisë ngjarja ka ndodhur në fshatin Derven, Krujë, ku është ndaluar shtetasi Sh. P., 50 vjeç,  për veprën penale “Vepra të turpshme”, shkruan ora news.
”Specialistët për Hetimin e Krimeve në Komisariatin e Policisë Krujë ndaluan shtetasin Sh. P., 50 vjeç, banues në fshatin Derven, Krujë, për veprën penale “Vepra të turpshme”, pasi ka kryer vepra të turpshme me një shtetase të mitur”, thuhet në njoftimin e policisë.
Materialet i kaluan Prokurorisë, për veprime të mëtejshme./21Media