Arrestohet një burrë, e rrahu gruan dhe tentoi ta godiste me thikë

Një burrë është arrestuar të shtunën, pasi i njëjti dyshohet për dhunë në familje.

Sipas raportit 24 orësh të policisë, ai e kishte rrahur gruan e tij, derisa aty thuhet se po ashtu kishte tentuar që ta godiste me thikë.

Ngjarja e rëndë ka ndodhur në Pejë, rreth orës 15:00.

Pas intervistimit të të dyshuarit dhe viktimës, me urdhër të prokurorit i dyshuari është dërguar në mbajtje.