Për armëmbajtje pa leje, një person është arrestuar dje në Podujevë.
Policia e Kosovës, përmes raportit ka njoftuar se gjatë kontrollit, të arrestuarit i është gjetur arma me një karikator dhe 12 fishekë dhe një boks hekuri.
“Rr. Zahir Pajaziti, Podujevë 14.09.2024-19:42. Është arrestuar i dyshuari mashkull kosovar pasi që, gjatë kontrollit tek i njëjti është gjetur dhe konfiskuar një armë zjarri me një karikator, me 12 fishek dhe një boks hekuri”, thuhet në raportin e policisë.
Më tej thuhet se pas intervistimit, me vendim të prokurorit i dyshuari është dërguar në mbajtje./21Media
