Policia e Kosovës ka arrestuar sot një person i cili kërkohej pasi ishte i dënuar për vrasje në tentativë.
“Policia në Prizren pas një pune operativo-taktike dhe një informate inteligjente ka arritur që të arrestojë personin e kërkuar E.XH, mashkull, kosovar, i datëlindjes 1977, person ky që kërkohej ne bazë të urdhëresë me shkrim të Gjykatës Themelore në Prizren”, bëhet e ditur në komunikatën Policisë.
I dënuari kërkohej për veprën penale ‘Shkaktimi i Rrezikut të Përgjithshëm’, ‘Mbajtja në pronësi, kontroll dhe posedim të paautorizuar të armëve’ si dhe veprën penale ‘Vrasje në Tentative’.
Me vendim të gjykatës dërgohet në vuajtjen e dënimet me kohe zgjatje prej 4 vite e 100 ditë burg./21Media
