Babai ther dy vajzat në Prizren, njëra vdiq e tjetra lëndohet rëndë
(Lajm i përditësuar)
Flasin nga QKUK-ja për gjendjen e 10-vjeçares në Prizren
Mëngjesin e së martës një shtetas turk dyshohet se ka vrarë me thikë vajzën e tij 15-vjeçare dhe ka plagosur tjetrën, një 10-vjeçare e cila ndodhet në QKUK.
Drejtori i emergjencës, Naser Syla, për portalin rtv21.tv ka thënë se gjendja e 10-vjeçares tani është stabile.
Ai shtoi se pas 10 vjeçarja pas trajtimit në Qendrën Emergjente do të transferohët në Klinikën e ORL-së për vazhdim të trajtimit të mëtutjeshëm
Kryeprokurori për gjendjen e 10 vjeçares në Prizren: Është jashtë rrezikut për jetë
Një ngjarje tragjike ka ndodhur sot në Prizren, ku dyshohet se babai e ka vrarë vajzën e tij 15-vjeçare, ndërkaq ka plagosur tjetrën vajzë, 10-vjeçare.
Gjendja e 10 vjeçares është jashtë rrezikut për jetë.
Lajmin për portalin rtv21.tv e ka konfirmuar kryeprokurori i Prokurorisë Themelore në Prizren, Petrit Kryeziu.
“Nga informatat e siguruara deri më tani bëhet e ditur se viktima – vajza tjetër e lenduar është nën kujdes mjekësor dhe gjendet jashtë rrezikut për jetë”, tha Kryeziu. /21Media
Babai ther dy vajzat në Prizren, njëra vdiq e tjetra lëndohet rëndë
Një vrasje e rëndë dyshohet se ka ndodhur mëngjesin e sotëm në Prizren. Dyshohet se babai ka privuar nga jeta vajzën e tij.
Lajmin për portalin rtv21.tv e ka konfirmuar zëdhënësi i policisë për rajonin e Prizrenit, Shaqir Bytyqi.
Bytyçi tha se dyshohet që burri ka therur me thikë gruan e tij, dhe dy vajzat dhe i dyshuari është arrestuar.
