Bahtijarit e Januzit s’i pranohen kërkesat për gjykim në liri
Dhomat e Specializuara nuk kanë pranuar kërkesën e Ismet Bahtijarit dhe Sabit Januzit që të gjykohen në liri, pasi ata ish-pjesëtarë të Ushtrisë Çlirimtare të Kosovës (UÇK) po akuzohen për pengim të personave zyrtarë në kryerjen e detyrave zyrtare dhe frikësim gjatë procedurës penale.
Në vendimin e Zyrës së Prokurorit të Specializuar (ZPS) thuhet se “Bahtijari është përgjegjës për veprat që akuzohet dhe do të vijohet mbajtja”.
Sipas vendimit, ZPS-ja i ka kërkuar më shuma prova mbështetëse mbrojtjes së ish-pjesëtarit të UÇK-së për të artikuluar kërkesën për lirim.
Një ditë pas ngritjes së aktakuzës, më 5 tetor, ZPS-ja arrestoi ish-pjesëtarët e UÇK-së, Sabit Januzin dhe Ismet Batjarin me dyshimet për pengim të administrimit të drejtësisë.
Prokuroria pretendon se ndërmjet 5 dhe 12 prillit 2023, Januzi e Bahtjari në bashkëkryerje me ish-deputetin Haxhi Shala e kanë nxitur dëshmitarin e mbrojtur “1” (nuk identifikohet nga cili rast), “që të mos jepte deklaratë, ose të jepte deklaratë të rreme, ose ndryshe, të mos i jepte informacion të vërtetë”.
