Bajrami i fton në përballje të gjithë Qeverinë Kurti: Caktone studion, merrni vizatimet me vete, unë ju pres
Deputetja e LDK-së, Hykmete Bajrami, ka reaguar edhe një herë lidhur me kontratat një burimore apo sekrete, numri i të cilave në këtë qeverisje kalon shifrën 2 mijë sosh.
Bajrami ka thënë se kontrata të tilla janë burim i korrupsionit dhe ata që s’pranojnë që ato të auditohen janë të njëjtë me të korruptuarit.
“Korrupsioni mbulohet me propagandë aq sa dielli me shoshë”, ka shkruar Bajrami.
Deputetja e LDK-së tutje ka thënë se prej 273 milionëve të shpenzuara për kontrata sekrete gjatë Qeverisjes së Kurtit këtë mandat, nga 38 komunat e Kosovës në total janë shpenzuar vetëm 33.8 milionë euro për kontrata të negociuara.
Bajrami i ka bërë thirrje të gjithë kabinetit qeveritar për përballje në debat për të gjitha çështjet, duke filluar nga Thesari, doracakët, gruri, kontratat njëburimore, rezervat e shtetit, tenderët e KEK-ut dhe Martin Berishajn, licencat e Microsoft, 160 çerdhet, lirimin e çmimit të rrymës e deri te bashkimi kombëtar.
“I bej thirrje krejt kabinetit qeveritar le të vinë në debat e të flasim për: Thesarin, doracakët, grurin, kontratat një burimore në MTI-së dhe të MASHTI-it (normal gënjeshta të Armend sekserit), mandej flasim për rezervat shtetrore dhe Ridvan Muharremin, për tenderat në KEK-ut dhe Martin Berishajn, për licensat e Microsoftit, për 160 çerdhe, lirimin e energjisë elektrike e deri te bashkimi kombëtar. Caktone studion, kohën merrni vizatimet me veti unë ju pres. Ejani të ballafaqohemi!”, ka shkruar deputetja Bajrami.
