Një platformë e digjitalizimit të arsimit në Kosovë, bëri që zv.ministri i arsimit nga radhët e VV-së Taulant Kelmendi të hedh akuza ndaj deputetes së LDK-së Hykmete Bajrami.
E lidhur me këtë Bajrami ka thënë se krejt këto janë manipulime. madje ajo ka përfshirë edhe emrin e ministit aktual të shëndetësisë Arben Vitija në procesin e implementimit të këtij projekti që daton mes viteve 2014-2017.
Bajrami thotë se gjatë kohës sa ajo ka qenë ministre në MASHT e ka ndaluar fazën e dytë të këtij projekti.
“Unë në MASHT kam qenë ministre 4 muaj dhe e kam ndalu fazën e dytë të këtij projekti. Për projektin unë jam deklaru, shih artikullin në Kallxo.com të datës 9 prill 2020”, thuhet në reagimin e Bajramit.
