Basha kritika ndaj Ramës
Kryetari i Partisë Demokratike, Lulzim Basha, ka drejtuar kritika ndaj kryeministrit të Shqipërisë Edi Rama se nuk ka përmbushur pritjet e qytetarëve për zhvillim të mirëfilltë të vendit.
Sipas tij, në vend të kësaj Rama ka pasur prioritet palmat dhe pllakat.
“ Sot paradite takova e bisedova me mijëra vlonjatë, shumica e të cilëve ndjehen të braktisur sepse Edi Rama në vend të njerëzve zgjodhi për prioritet palmat dhe pllakat. Unë kam një plan ekonomik që do të forcojë ekonominë dhe do të krijojë vende të reja pune. Ne do të ndërtojmë një të nesërme të sigurt për të gjithë”, ka shkruar Basha në Facebook./21Media
