Bashkimi Evropian ka miratuar të mërkurën një shtesë prej 500 milionë eurosh (544 milionë dollarë) për pajisje ushtarake për Forcat e Armatosura të Ukrainës, sipas një njoftimi për shtyp nga Këshilli Europian i Bashkimit Europian.
“Javët e ardhshme do të jenë vendimtare. Ndërsa Rusia përgatitet për një ofensivë në lindje të Ukrainës, është thelbësore që ne të vazhdojmë dhe të shtojmë mbështetjen tonë ushtarake për Ukrainën për të mbrojtur territorin dhe popullsinë e saj dhe për të parandaluar vuajtjet e mëtejshme”, tha Josep Borrell, Përfaqësuesi i Lartë i Bashkimit Evropian për Punë të Jashtme dhe Siguri.
500 milionë euro shtesë e çojnë ndihmën financiare totale të Bashkimit Evropian për Forcat e Armatosura të Ukrainës në 1.5 miliardë euro, u bë e ditur në njoftim.
“500 milionë euro do të financojnë pajisje mbrojtëse personale, pajisje ushtarake, karburant dhe komplete të ndihmës së parë. Këshilli Evropian kërkon që Rusia të ndalojë menjëherë agresionin e saj ushtarak në territorin e Ukrainës”, u bë e diturnë njoftim, shkruan CNN./21Media
