Presidenti i Këshillit Evropian, Charles Michel ka thënë se do të ketë sanksione të reja kundër Rusisë, pasi u shfaqën imazhe tronditëse të 20 kufomave civile të shpërndara nëpër tokë në qytetin Bucha, në veriperëndim të Kievit.
Imazhet u publikuan nga AFP të shtunën pasi gazetarët hynë në zonë pas tërheqjes së forcave ruse.
“I tronditur nga imazhet të mizorive të kryera nga ushtria ruse në rajonin e çliruar të Kievit #BuchaMassacre. E po ndihmon Ukrainën dhe OJQ-të në () mbledhjen e provave të nevojshme për ndjekje në gjykatat ndërkombëtare. Sanksionet dhe mbështetja e mëtejshme e BE-së janë në rrugën e tyre”, shkroi Michel në Twitter.
Ndërkohë, Josep Borrell, Përfaqësuesi i Lartë i Bashkimit Evropian, shkroi në Twitter: “Unë e përgëzoj Ukrainën për çlirimin e pjesës më të madhe të rajonit të Kievit”.
“Të tronditur nga lajmet për mizoritë e kryera nga forcat ruse. BE-ja ndihmon Ukrainën në dokumentimin e krimeve të luftës. Të gjitha rastet duhet të ndiqen, përkatësisht nga Gjykata Ndërkombëtare e Drejtësisë. BE do të vazhdojë mbështetjen e fortë për Ukrainën”, shtoi ai./21Media
