Benzema mund të rikthehet në Evropë, çmimi vetëm 7 milionë euro
Karim Benzema mund të rikthehet në futbollin evropian. Sulmuesi francez, i cili aktualisht aktivizohet në Arabinë Saudite me Al-Ittihad, raportohet se është në radarin e Benficës.
Sipas “Goal France”, trajneri José Mourinho, i sapoemëruar në krye të klubit portugez, dëshiron të ribashkohet me ish-lojtarin e tij nga periudha te Real Madridi (2010–2013).
Megjithatë, marrëveshja nuk duket e lehtë. Al-Ittihad nuk pritet ta lërë lojtarin e tyre kryesor të largohet falas dhe kërkon një shumë që varion nga 5 deri në 7 milionë euro. Përveç transferimit të drejtpërdrejtë, është në diskutim edhe një huazim i mundshëm gjatë merkatos së dimrit.
Benzema, 37 vjeç, shihet si një përforcim i madh për sulmin e Benficës dhe një lëvizje prestigjioze për projektin e Mourinhos në Lisbonë.
