Berisha dhe shtatë deputetë të tjerë janë të përjashtuar nga Kuvendi
Sot seanca plenare në Kuvendin e Shqipërsisë ka nisur me tensione, ku deputetët demokratë kanë bllokuar prapë foltoren.
Sali Berisha dhe shtatë deputetë të tjerë janë të përjashtuar nga Kuvendi, për shkak të kaosit të shkaktuar në seancat e shkuara. Ata kanë tentuar të hyjnë në Parlament, por janë ndaluar nga Garda.
Gjashtë deputetët e përjashtuar së fundmi kërkuan anulim të vendimit të Komisionit të Etikës, por kjo u rrëzua nga Byroja e Kuvendit.
Të përjashtuar në këtë seancë janë edhe Sali Berisha dhe Flamur Noka, të cilët nuk i kanë plotësuar ende ditët e përjashtimit. Jashtë Parlamentit, Oerd Bylykbashi tha se Garda përdori dhunë fizike ndaj deputetëve.
Nga ana tjetër, para Parlamentit po mbahet protestë e organizuar nga opozita, ndërsa janë mbledhur dhjetëra qytetarë me pankarta në duar.
