Biden e telefonon Trumpin për t’ia uruar fitoren, e fton në Shtëpinë e Bardhë

Presidenti Joe Biden e ka telefonuar Donald Trumpin për t’ia uruar fitoren në zgjedhje dhe e ka ftuar atë në Shtëpinë e Bardhë për të diskutuar tranzicionin, raporton Asociated Press.

Nga Shtëpia e Bardhë kanë deklaruar se do ta caktojnë një datë “në të ardhmen e afërt”.

Biden planifikon t’i drejtohet popullit nesër lidhur me rezultatin e zgjedhjeve.

Përveç Trump, Biden e ka telefonuar edhe Nënpresidenten Kamala Harris, të cilën e ka përgëzuar për kampanjën.