Takimi mes ministrit të Jashtëm ukrainas Dmytro Kuleba dhe ministrit të Jashtëm rus Sergej Lavrov në Turqi ka përfunduar pa një marrëveshje të arritur për korridoret humanitare dhe armëpushim, shkruan CNN.
Kuleba tha se ai ngriti mundësinë e krijimit të një korridori humanitar për të lejuar civilët të iknin nga qyteti i rrethuar i Mariupolit, por “për fat të keq ministri Lavrov nuk ishte në gjendje të angazhohej për këtë”.
Në një konferencë për shtyp pas takimit, Kuleba tha se një armëpushim 24-orësh u ngrit gjithashtu për “të zgjidhur çështjet më urgjente humanitare”, por ai tha se ata “nuk bënë përparim” për këtë çështje “pasi duket se ka vendimmarrës të tjerë për këtë çështje në Rusi”.
Kuleba tha se ata ranë dakord të vazhdojnë përpjekjet për të “kërkuar një zgjidhje për çështjet humanitare në terren” dhe shtoi se ai është i gatshëm të takohet përsëri “në këtë format nëse ka perspektiva për diskutim thelbësor dhe kërkim të zgjidhjeve”./21Media
