Borrell: Kurti paraqiti tri kushte, Kosova nuk ishte e gatshme për takim trepalësh
Shefi i diplomacisë së Bashkimit Evropian, Josep Borrell në konferencën për media pas takimeve dypalëshe ka thënë se kryeministri i Kosovës, Albin Kurti nuk ka qenë i gatshëm për takimin trepalësh në Bruksel.
Sipas tij, Kurti i ka vendosur tri kushte për angazhimin e mëtejshëm në procesin e normalizimit.
“Kosova nuk dëshironte ta mbante takimin trepalësh, Serbia ishte e gatshme ta bënte. Duhen dy vetë për ta luajtur tangon. Për fat të keq asnjë progres nuk mund të arrihej sot. Kryeministri Kurti ka dorëzuar tre kushte për angazhimin n e tyre të mëtejmë në procesin e normalizimit”, tha Borrell teksa ka cituar edhe tri kushtet e Kurtit.
”Citoj “1. Formalizimi i marrëveshjeve bazike duhet të nënshkruhet nga shefat përkatës të qeverive. 2 Tërheqja e letrës së rezervimit të deportuar nga ish-kryeministrja e Serbisë, e datës 13 dhjetor. 3. Dorëzimin i Milan Radoiçiqit dhe grupit të tij paramilitar terrorist te organet gjyqësore kosovare”, ka thënë Borell.
