Fitoren e Distria Krasniqit ministri i Ministrisë për Kulturë, Rini dhe Sport, Hajrulla Çeku e ka quajtuar si moment që përbën një emocion dhe krenari të madhe.
“Xhudistja jonë Distria Krasniqi përsëri e artë. Krenari dhe emocion i madh, një paraqitje fantastike e saj në Lojërat Mesdhetare në Oran të Algjerisë. Faleminderit Distrias por dhe të gjithë sportistëve tanë për përfaqësimin dinjitoz të shtetit tonë në këto gara.Me punën dhe përkushtimin tuaj jeni shndërruar në frymëzim për të rinjtë e për të gjithë ne”, ka shkruar Çeku në Facebook.
Xhudistja kosovare Distria Krasniqi sot ka fituar medaljen e artë në Lojërat Mesdhetare që po mbahen në Oran të Algjerisë.
Krasniqi mposhti rivalen e saj nga Kroacia Ana Viktorija./21Media
