Chet Hanks përfshin babanë Tom Hanks në video-klipin e tij
Përpjekjet muzikore të Chet Hanks po bëhen çështje familjare, shkruan E! News.
Në video-klipin e ri me temë Forrest Gump, Chet, pjesë e duos country Something Out West, shfaq babanë e tij, Tom Hanks, i cili i bashkohet në një stol, duke rikrijuar një nga skenat ikonike të filmit të vitit 1994.
“Ai është një prima donna i vërtetë”, tha Chet me humor për babanë e tij gjatë një interviste në Today.
“Po bëj shaka. Është njeriu më i qetë që ekziston. Të dua, babë”, shtoi ai.
Edhe partneri i tij muzikor, Drew Arthur, u shpreh se ishte surreale të priste të xhironte një skenë ndërsa Tom Hanks qëndronte duke e pritur.
Ndërkohë që Tom hyri në botën muzikore të djalit të tij, Chet po bën hapa në aktrim, duke luajtur në filmin Running Point përkrah Kate Hudson.
“Ka qenë një rrugë e gjatë, por jam mirënjohës për gjithçka”, tha ai, transmeton KosovaPress.
Chet ka treguar më parë se jeta si djali i dy yjeve të njohur Tom Hanks dhe Rita Wilson ka pasur edhe sfida. Ai tha se ka përjetuar shumë privilegje, por edhe xhelozi. Sipas tij, njerëzit e paragjykojnë pa e njohur dhe kjo e bën të vështirë të fitojë pranimin e tyre.
