Një tjetër xhiro evropiane, një tjetër angazhim për gjyqtarët kosovarë të hendbollit. Çifti mitrovicas, Arsim dhe Erdoan Vitaku drejtuan ndeshjen e raundit të dytë kualifikues të Ligës Evropiane për hendbollistë.
Në Kwidzyn të Polonisë, u takuan skuadra vendase, MMTS Kwidzyn dhe skuadra e madhe gjermane, SG Flensburg-Handewitt. Fitore të thellë shënoi skuadra gjermane, Flensburg-Handewitt me rezultat 39:25. Ndeshja e kthimit luhet më 4 tetor në Flensburg të Gjermanisë.
Në rrethin e dytë të Ligës Evropiane u paraqit edhe reprezentuesi i Kosovës, Luigj Quni me skuadrën zvicerane, Amicitia Zuerich. Zuerichu pësoi thellë, 34:24, nga skuadra spanjolle, Benidorm. Ndeshja u luajt në Spanjë, ndërsa Qunoi shënoi dy gola.
Hendbollisti shqiptar, Gzim Salihi, shënoi tri gola për Savehofin suedez që barazoi 24:24 me Montpellierin francez./21Media
