Këngëtarja Dafina Dauti ishte e ftuar në emisionin “In&Out në RTV 21 ku ndau tregime interesante nga jeta e saj.
E një rrëfim i adoleshencës, ishte më se i veçantë. Dafina deri sa ishte nxënëse në shkollë të mesme në Prishtinë, jetonte larg familjes së saj. E përveç mallit për familjen ajo kishte edhe një peng, shkruan portali rtv21.tv
Si 15 vjeçare ajo shkonte dy herë në javë për vizitë në shtëpinë e saj, dhe siç tregoi vet Dafina e liruar nga çdo kompleks, vizitat e saj të shpeshta i kishin rënë në sy familjarëve të saj, veçanërisht babait. Ky i fundit duke menduar se e bija po mërzitej për anëtarët e shtëpisë, i thotë asaj se duhet të fokusohej në shkollim e t’i rrallonte vizitat e shpeshta.
Por, Dafina duke qeshur tregon se përveç mallit për familjarët ajo mërzitej shumë për lopën e saj dhe kjo ishte arsyeja kryesore pse shkonte shpesh në shtëpi./21Media
