​Del Bosque: Messi është futbollisti më i mirë që kam parë ndonjëherë

Trajneri i famshëm spanjoll Vicente del Bosque tha se futbollisti argjentinas Lionel Messi është lojtari më i mirë që ka parë ndonjëherë.
Ish-trajneri spanjoll vlerësoi lojën dhe cilësinë e mirë afatgjatë të Messit dhe tha se sipas tij, Messi është përpara Cristiano Ronaldos në “luftën” për lojtarin më të mirë të të gjitha kohërave.
“Futbollisti më i mirë që kam parë është Messi. Mes Messit dhe Ronaldos, unë zgjedh Messin. Nga të gjithë lojtarët që kam parë për kaq shumë vite në futboll, qëndrueshmëria dhe cilësia e tij kanë qenë mbresëlënëse. Ai kishte disa sezone fantastike dhe gjithmonë drejtoi ekipin e tij”, tha Del Bosque për Radio Marko.
Messi është një nga futbollistët më me trofe në histori dhe së fundi fitoi Kupën e Botës me Argjentinën. Ai është ende me pushime pas turneut dhe nuk ka gjasa të luajë për Paris Saint-Germain kundër Strasburgut më 28 dhjetor, kur të rifillojë kampionati francez.