Më shumë se 30 persona dyshohet se kanë vdekur dhe shumë të tjerë janë të zhdukur pas një stuhie shkatërruese që përfshiu Filipinet.
Tajfuni Rai u përplas në ishujt juglindorë të vendit të enjten, duke rrafshuar shtëpitë dhe duke sjellë erëra prej rreth 195 km/h.
Stuhia më e fortë që ka goditur Filipinet këtë vit ka rrëzuar shtyllat e energjisë, ka shkulur pemët dhe ka lënë tre milionë njerëz pa energji elektrike, transmeton rtv21.tv.
Agjencia e vendit për fatkeqësitë thotë se numri i raportuar i vdekjeve është 31.
Operacionet e shpëtimit janë duke u zhvilluar në rajonet e shkatërruara.
Mesatarisht rreth 20 stuhi dhe tajfune godasin Filipinet çdo vit./21Media
