Një rast i zjarrvënies dhe shkaktimit të rrezikut të përgjithshëm është raportuar dje në rrugën “Muharrem Fejza” në Prishtinë.
Sipas informatave fillestare, një person ende i panjohur është vërejtur duke ndezur zjarre, me ç’rast si pasojë janë dëmtuar pesë vetura të parkuara në afërsi.
Njësitë policore kanë dalë menjëherë në vendin e ngjarjes dhe kanë ndërmarrë veprimet e nevojshme për sigurimin e zonës, ndërsa rasti është duke u hetuar nga autoritetet kompetente.
Deri më tani nuk raportohet për persona të lënduar, ndërsa policia po punon për identifikimin dhe kapjen e të dyshuarit.
