🇽🇰 Kosova
Digjet shtëpia tri katëshe në Suharekë, sipas pronarit vlera e dëmit është 60 mijë euro
nga Venera Grabanica10 nëntor 2024
Një shtëpi është djegur në fshatin Vraniq të Suharekës, ku dëmi sipas pronarit llogaritet të jetë 60 mijë euro.
Për rtv21.tv rastin e ka konfirmuar zëdhënësi i policisë për rajonin e Prizrenit, Shaqir Bytyqi, i cili ka treguar se nga zjarri nuk ka persona të lënduar.
“Zjarrëfikësit kanë dal në vendin e ngjarjes dhe kanë lokalizuar zjarrin. Dëmet materiale janë të konsiderueshme (sipas pronarit rreth 60.000 euro), të lënduar nuk ka. Policia bashkë me ekspertët e zjarrit nesër do të dalin përsëri në vendngjarje për të bërë këqyrjen e vendit dhe mbledhjen e dëshmive”, ka thënë Bytyqi./21Media
