Policia në Shqipëri ka sekuestruar 24 mijë e 980 euro të padeklaruara në pikën kufitare të Kapshticës.
Shërbimet e Stacionit të Policisë Kufitare Kapshticë, në bashkëpunim me autoritetet doganore si rezultat i kontrolleve të shtuara bazuar edhe në analizën e riskut, në dalje të Shqipërisë kanë kaluar në vijën e dytë, për kontroll më te detajuar automjetin tip “Opel” me drejtues shtetasin F. R., 35 vjeç, banues në Pogradec.
Gjatë kontrollit atij iu gjetën e sekuestruan në cilësinë e provës materiale paratë.
Veprimet e mëtejshme u kryen nga specialistët për Hetimin e Krimit Ekonomik-Financiar, në Drejtorinë Vendore të Policisë Korçë, të cilët filluan procedimin penal ndaj 35-vjeçarit.
Materialet i kaluan Prokurorisë pranë Gjykatës së Shkallës së Parë Korçë./21Media
