Drita pas suksesit historik: Në një mbrëmje të paharrueshme në Differdange
Drita ka fituar 2:3 ndaj Differdanges duke u kualifikuar kështu në çerekfinalet kualifikuese të Ligës së Kampionëve.
Kampionia e Kosovës në futboll, Drita, ka shkruar pas suksesit historik.
“Në një mbrëmje të paharrueshme në Differdange, kur historia u shkrua me shkronja të arta, nuk ishin vetëm 11 lojtarë në fushë – ishit edhe Ju, tifozët tanë të zjarrtë, që udhëtuat nga çdo cep i Evropës për të qenë pranë nesh! Entuziazmi dhe dashuria që sollët në stadium na dhanë forcën për ta bërë realitet këtë ëndërr – kalimin në raundin e dytë të Ligës së Kampionëve! Faleminderit për çdo kilometër të përshkuar, për çdo britmë për DRITËN, për çdo emocion të ndarë me ne. Ky sukses është edhe i juaji! FORCA DRITA – për qytetin, për klubin, për Kosovën!”, shkruan Drita në facebook.
Deri tash, asnjë skuadër nga Kosova nuk e kishte kaluar raundin e parë kualifikues të Championsit.
