Policia e Kosovës po i heton dy vdekje në raste të ndara që janë regjistruar në 24 orët e fundit. Në Istog një person ka pësuar lëndime vdekjeprurëse në një fushë, e vdekja e tij është konstatuar nga ekipi mjekësor në Spitalin e Pejës.
Në konsultim me prokurorin, trupi i pajetë është dërguar në Institutin e Mjekësisë Ligjore (IML) në obduksion.
“Një mashkull kosovar ka pësuar lëndime vdekjeprurëse në arë/fushë. Vdekjen e viktimës e ka konstatuar ekipi mjekësor në Spitalin e Pejës. Në konsultim me prokurorin trupi i pajetë i viktimës është dërguar në IML për obduksion”, thuhet në njoftimin policor.
Ndërsa në Pejë një person është gjetur pa shenja jete, e vdekjen e ka konfirmuar ekipi mjekësor në vendin e ngjarjes. Identifikimi i tij është bërë nga familjarët, e sipas tyre viktima kishte probleme mendore.
Me urdhër të prokurorit, trupi i pajetë është dërguar për obduksion.
