Ed Sheeran ka fituar një betejë të Gjykatës së Lartë për të drejtat e autorit mbi hitin e tij të vitit 2017 “Shape of You”.
Një gjykatës vendosi të mërkurën se kantautori nuk kishte bërë plagjiaturë këngën e vitit 2015 “Oh Why” nga Sami Chokri, shkruan BBC.
Chokri, një artist që performon me emrin Sami Switch, kishte pohuar se pjesa “Oh I” në këngën e Sheeran ishte “çuditërisht e ngjashme” me një refren “Oh Why” në këngën e tij.
Pas vendimit, Sheeran tha se pretendime të tilla “të pabaza” “janë shumë të zakonshme”.
Në një video në mediat sociale, ai tha se tani ekziston një kulturë “ku një pretendim bëhet me idenë se një zgjidhje do të jetë më e lirë se sa ta çosh atë në gjykatë, edhe nëse nuk ka bazë për pretendimin”.
Ai shtoi: “Është vërtet e dëmshme për industrinë e shkrimit të këngëve. Ka vetëm kaq shumë nota dhe shumë pak akorde të përdorura në muzikën pop”.
“Rastësia do të ndodhë nëse 60,000 këngë publikohen çdo ditë në Spotify. Kjo është 22 milionë këngë në vit dhe ka vetëm 12 nota që janë në dispozicion”.
“Shape of You” ishte kënga më e shitur në Mbretërinë e Bashkuar për vitin 2017 dhe është kënga më e transmetuar ndonjëherë nga Spotify./21Media
