Peshëngritësi shqiptar Ertjan Kofsha ka thyer rekordin evropian gjatë Kampionatit Botëror të Peshëngritjes në Forde të Norvegjisë.
Ai arriti të ngrejë 161 kilogramë në stilin e shkëputjes, në kategorinë deri në 94 kilogramë, raporton KosovaPress.
“Me një ngritje spektakolare prej 161 kg në shkëputje, sportisti ynë i jashtëzakonshëm Ertjan Kofsha ka thyer rekordin evropian në kategorinë deri në 94 kilogramë, gjatë Kampionatit Botëror të Peshëngritjes për të rritur që po zhvillohet në Forde, Norvegji”, shkruan Federata Shqiptare e Peshëngritjes në Facebook.
“Ky rezultat historik tregon talentin, punën dhe përkushtimin e një kampioni të ri që po ngjitet fuqishëm në majat e peshëngritjes botërore. Krenari për Shqipërinë dhe për brezin e ri të kampionëve kuqezi!”
