“Është mirë me shëndet, s’kemi të drejtë me folë”, vëllezërit e Hashim Thaçit kryejnë vizitën
(Lajm i përditësuar)
Vëllezërit e ish-presidentit Hashim Thaçi kanë përfunduar vizitën e tyre te ai në hapësirat e EULEX-it ku Thaçi kaloi natë.
“Është mirë me shëndet, s’kemi të drejtë me folë”, tha njëri prej vëllezërve pasi dolën nga EULEX.
Aktualisht në vizitë në EULEX po qëndron gruaja e Thaçit, Lumnije Thaçi, e cila u pa në veturë duke hyrë në zyrat e EULEX në Fushë Kosovë.
Vëllezërit e Thaçit shkojnë në selinë e EULEX-it për ta takuar
Tre vëllezërit e ish-presidentit Hashim Thaçi janë në selinë e misionit të EULEX-it.
Ata shkuan aty sot me mëngjes për t’i takuar me vëllain e tyre, i cili është duke qëndruar në Kosovë për dy ditë.
Thaçi erdhi dje në Kosovë, së pari shkoi dhe vendosi lule tek varri i babait të tij, dhe më pas për disa orë qëndroi në shtëpinë e tij në Burojë të Skenderajt, ku takoi nënën dhe gruan e tij.
Pas përfundimit të vizitës në Burojë, Thaçi qëndroi në selinë e EULEX-it.
