FboxK organizon turneun tradicional ndërkombëtar “Adem Jashari”

Federata e Boksit e Kosovës (FboxK) përmes një komunikate ka njoftuar se ka filluar të gjitha përgatitjet për turneun tradicional ndërkombëtar “Adem Jashari”.

Ky turne do të jetë i 25-ti me radhë dhe do të mbahet më 4 dhe 5 nëntor në Palestrën e Sporteve “1 Tetori” në Prishtinë.

Pjesëmarrës në këtë turne do të jenë boksierë nga Kosova, Bullgaria, Polonia, Suedia, Austria, Zvicra, Sllovakia, Shqipëria, Kroacia, Sllovenia dhe Maqedonia e Veriut.

Të shtunën e 4 nëntorit nga ora 16:00 do të luhen gjysmëfinalet, kurse të dielën e 5 nëntorit, me fillim nga ora 12:00 luhen finalet.