Flamuri kombëtar i dimensioneve të mëdha zbukuron sheshin e Prishtinës
Muaji nëntor nuk është një muaj i zakonshëm për shqiptarët. I mbushur me festa kombëtare, ky muaj mbetet i veçantë sa i përket rëndësisë që ka për historinë e popullit tonë.
Dita e Flamurit, 28 Nëntori, shënohet pothuajse kudo që flitet shqip. Me flamuj kuq e zi shihet i zbukuruar edhe sheshet e Prishtinës nga ku shihet se është vendosur edhe një flamur i përmasave të mëdha.
Përveç Ditës së Flamurit, Me 28 Nëntor është ditëlindja e komandantit legjendar të Ushtrisë Çlirimtare të Kosovës, Adem Jashari, dhe data kur UÇK doli për herë të parë publikisht, në vitin 1997 në fshatin Llaushë të Skenderajt.
Ndërkaq, ajo që bëri që UÇK-ja të bëjë publike aktivitetet, ishte vrasja e mësuesit të shkollës së Llaushës, Halit Geci, dy ditë më parë nga forcat serbe, teksa deklarata e UÇK-së për paraqitjen e saj të parë publike u përgatit nga vetë ushtarët e saj.
Me ardhjen e këtyre festave, shihet edhe një lëvizje më e madhe e qytetarëve në rrugë e sheshe, të cilët kalojnë momente festive në ambiente në të cilat ata mësojnë edhe për historikun e këtyre festave.
