Policia e Kosovës ka dhënë detaje për plagosjen që ka ndodhur mbrëmë në Fushë Kosovë.
Janë arrestuar katër të dyshuar meshkuj kosovar, pasi që pas një mosmarrëveshje-përleshje, njëri prej tyre ka qëlluar me armë zjarri viktimën mashkull kosovar ndërsa dyshohet se aksidentalisht ka qëlluar edhe vëllanë e tij.
Në vendin e ngjarjes është gjetur dhe sekuestruar një pistoletë dhe katër gëzhoja.
Dy viktimat dhe një i dyshuar mashkull kosovar janë dërguar në QKUK për trajtim mjekësor, ku ky i fundit gjendet nën përkujdesjen e policisë.
Sipas Policisë, tre të dyshuarit pas intervistimit me vendim të prokurorit janë dërguar në mbajtje. Rasti është duke u hetuar./21Media
